طريقتي لعمل الحلاوة للتخلص من الشعر الزائد في جميع مناطق الجسم
السلام عليكم انبقاتي العزيزات
اليوم بغيت نقوليكم تجربتي لاسيراللي فعلا نتائج ديالو فرحاتني هاد الوصفة عطاتهالي مرت خويا وشكراتها ليا بزاف وقلت مع راسي علاش منجربهاش
المقادير = نصف كاس عصير حامضة+نصف كاس ماء+كاس سنيدة
تنعملوهم فوق النار حتى يولي اللون ديالو بحال العسل وتولي فيه رغوة صفرة لكن عنداك تخليه حتى يتحرق
نزولوه من فوق العافية ونحركو فيه حتى يدفى شوية وناخدو قطعة من ثوب حياتي نعملو فيه هاد الحلاوة ونسرحوها مزيان ونديروها فوق المنطقة اللي بغينا وندلكو شوية باتجاه نمو الشعر ونزولوه بسرعة بعكس نمو الشعر
ملاحظة= * عنداكي توضعي لاسير على الجلد وهي مازال سخونة خليها حت دفا
* امكن تستعملي ثوب دجين كدلك عوض ثوب حياتي
شخصيا استعملتو للساقين+الابط وجناب المنطقة الحساسة وبقالي الخير من لاسير
كنت تنستعمل لاسير ديال فييت= شرائح شمعية حتى هي زوينة لكن عوضتها بهاد الوصفة
